| 今日一早起身(其实都悟早啦,媛响我Q果阵都十一点五五分啦,咔咔,我是猪),照镜发觉自己背脊同颈都过敏,红左一大片,痴线噶,我D皮肤悟系一般地差~~琴晚都无食海鲜都过敏既!!真系诡秘啊~~ 2007年既一月份对我黎讲系充满甜酸苦辣既一月,觉得自己经历好多也,仲要系无法去控制的,都悟知点解最后会变成甘~~其实由我十二月离开诺信去面其他公司,我真系觉得好疲倦同好大压力,好惊自己会稳悟到工,因为依家竞争好大,但无计,自己性格太倔强了,我从来都悟想衰比果D对我悟好既人睇,结果就日日都去面试,而且专门稳出名既公司去,明知道复试一定悟够D高手黎的,但都系想试,都悟知话自己野心大啊,定系太好胜~~其实每次去我都觉得似考试,我由细到大都好惊考试,而且知道悟系话有运就会入到,依家更加睇中既系要有料~~ 一月果时候我好好彩入到夏普SHARP做销售助理,但讲真,呢份工并悟适合我,因为每日都要加班到晚上九点我先可以放工,而且要做好多销售报表比上海同日本总部,D数好大,必须要好细心去做,我每日好担心自己会出错,因为成个华南地区既数据全部我要管理晒,记得第一个星期我几乎每晚都带翻屋企做报表做到半夜四点,有时仲会做到天光,因为毕竟同我以前做行政既事悟同,呢D责任好大,都未试过话攰到训悟着既,但呢个几月我真系成日都无办法好好入睡咯,翻到公司根本连去厕所同去斟水既时间都无,我好怀疑间公司果D系米都系铁人黎的,可能呢D就系日本公司同美国公司既企业文化既差异.我终于明白以前自己系诺信系几甘幸福了.记得一月中果阵,部门有个同事销售工程师阿Y无啦啦悟知做咩中意左我,悟知点解无论距对我点好,点细心,我都无办法中意距,可能因为距比我感觉似出去蒲挂,亦或者系我根本对爱情失去左信心,无办法再去接受其他人,所以我拒绝左距好多次,距亦用尽好多方法去想改变我既捻法,但距越系纠缠我就越觉得反感,讲真,我好讨厌人威胁我,而且爱情根本就悟可以勉强的,人始终都欺骗悟到自己的感觉. 我慢慢变到悟想对住份工,悟想对住呢班机器人,我好惊自己有一日都会变成距地甘,除左工作就系工作,我知道自己悟系一个好承受到压力既人黎的~~我开始利用平时可以巡铺既时间去面其他工,希望可以稳到份就算人工比依家低,但起码我悟会令我觉得好重压既野做~~ 跟住又好传奇,我见翻一个识左三年既系新西兰翻黎既男仔阿B,其实我对距印象一向都好好的,起码我觉得距比起阿Y会老实同对我好咯,我以为距系真诚的喜欢我,因为当时真的有比距感动过的,可能因为大家都系受过伤既人,会比较明挂,我从来都悟会同细过我既男仔拍拖,但呢次破例了.其实我系个好怕变既人,我宁愿好多也都维持悟变同悟好比我知道太多,好多时就算一开始我悟系好中意个男仔或者悟够投入,但我绝对会对感情负责任的人,既然应承得人一齐就要做个好女朋友,慢慢我就会对个男仔好好的了,所以好多时都会系爱情的弱者,心太软系女人大忌,但我宁愿相信我想相信的.但悟知点解开始无几耐,我发觉原来我一D都悟了解距,同发觉自己根本好难去投入一段感情,或者直接讲我系恐惧拍拖了.我悟知点解自己会变到甘,我好想去完全信任一个人,但我知道我要慢慢适应先可以,因为我有阴影了.三年前T的离开失踪对我黎讲系好难磨灭的阴影,果份绝望一直都系心入面,只系好怕比其他人知.`````但结果,我地系二月一日,我生日既前一日分手了.全部F都觉得我一定癫左了,果晚我其实好悟开心,我悟想一世都甘样,人系悟可以一世都走悟出去的.其实我系真系有打算好好对距的,但一切都太迟了,我生日果晚好失望咯,虽然蕾同距BF有陪我,但我依然感觉悟到生日的开心,尽管上午我还和爸爸妈妈去左四海一家食饭,但有D也悟系亲情可以代替到的. 后来同蕾距地散左之后,我一个人行系北京路,好悟明点解每次都比自己搞到甘难睇,系米我既问题呢?总会甘不堪既~~好怕一直甘恶性循环落去`````之后自己走左去睇电影,但睇到三十分钟已经睇悟落去了,睇007竟然都有种想喊既冲动,真系软弱,但好彩我无系甘多人面前喊~我只系觉得悟知有几多年前开始我已经无左过生日同过情人节既感觉了,好害怕呢种感觉~~我系五月花落电梯果时接到程既电话,但距个号码系我手机系无显示的,所以我以为距系美国NEW YORK,根本就无心机讲落去,就话自己一个人准备地铁翻去了,而距亦只系哦左一句就收线了. 跟住我落左地铁,我系企位咯,地铁好多人,但我一眼就望到坐系我斜对角果个女仔,因为好明显距一直流眼水,个样好SAD,可能觉得同是天涯沦落人挂,我就死甘摸我个大袋,稳到包纸巾,好想递比距安慰距,但我又悟想系甘多人面前做,人地一定觉得我系傻的,所以我时不时用眼尾既余光留意距,距真系一直由公园前喊到扬基村噶,块面红晒,果时我个心系度捻:唉,我生日甘惨,我都未喊,你喊乜鬼啊?!捻捻下,就同自己讲,不如如果距同我都一样系体育西落,甘我就跑出去比纸巾距啦~~~结果,好岩咯,距真系同我一样系体育西落,点知距又行得好快喔~~话甘快就出左站,虽然距出D站离我出A站好远,如果追距我要行翻一个大圈先翻到屋企,但我都系决定跟埋去咯~~我系后面拍左下距搏头,距拧转身对我呢个陌生人好有戒心,我同距讲左句:你悟好甘伤心啦,拿,比包纸巾你啊,无事既.~~~~ ER```````点知道~~~~~~~~距好错颚甘望住我,同我用标准既国语讲左句:小姐,你误会了,我只是在公司酒会喝多了酒而已,是醉,不是哭喇,不过,都谢谢你啊~~~~当时我觉得我好似变左张软绵绵既纸甘溶左啊,好鱼啊,明明自己是个可怜人却去可怜人,仲要严重表错情,唉,讲真,觉得成个地铁站最悲惨既人系我了,学咩人多管闲事啊~~~真的想哭了~~ 之后自己都悟知系点行出地铁站既,只系觉得好冻,想快D回到家就好了,行到某栋大楼楼下,报纸摊隔离,见到果个老爷爷仲系坐系个藤凳度训觉得,其实个心好悟舒服的,呢三年以来,一直经过呢度都有留意到呢位老人家,距仔女都悟孝顺悟理距,距无屋住,只可以训系骑楼底下,食饭同冲凉既水都要靠街坊接济的,距睇上去都好老了又驼背,每次落雨同冬天我都祈求可以悟好甘冻,因为我好惊第日朝早见悟到距,但老爷爷生命力很顽强,捱过了一年又一年,觉得自己好无用,好想帮距做D也,但又无能为力.摸下个袋,发现仲有个暖包,本来是比蕾的,.但走的时候我忘记比距了.甘趁老爷爷训着,就放左系距件衫隔离~~生日温暖悟到自己,温暖下人地都好啊. 但行到屋企铁门楼梯口果阵,想罗锁匙开门但稳极都稳悟到,终于忍左成晚悟想忍受就蹲了在地喊了起身`````后来电话响,发现有个傻瓜居然一直跟系我身后面,原来程,翻左广州.当时真系成个人傻左悟敢相信啊,因为系最惨既时候,觉得距好似神一样,一定系神派距黎到我身边的.我都悟知自己当时不停甘讲左咩也了,我大概讲其实我好恐惧人地突然失踪的,悟知点解一直都好惊,自从T果次之后,我对后面果两个男朋友都好好,好怕对距地悟好,距地又会突然甘走左去,我实在太害怕当以为自己拥有一切既时候就无左果种感觉了,我仲好清楚记得三年我前自己画左个由两岁几三岁有记忆开始到自己十六岁识到距每年发生咩也开心同悟开心既事既一幅彩色图画,捻住罗比距睇的,但就系我完成果时距就突然悟见左了~~直至旧年每一年我都有织多一条围巾放系衣柜,我悟知点解仲会去织多一条比距,尽管知道距永远都悟会知道我甘做.三条都系度.仲有,点解我一直会用13824454321呢个号码五年甘耐都悟舍得换,系因为我好怕我换左号码,如果有一日T翻黎稳我稳悟到点办呢,所以就算出黎做也两年话费几贵我都悟想换全球通.其实女人好傻的,如果男人要稳你又点会稳悟到,我知道我放悟低. 果晚,程比左好多鼓励同建议我,距好希望我可以真正悟好挂住呢个人,悟好再困系以前果度,因为系人见到都觉得辛苦.我亦希望自己可以有翻全新既生活了. 果晚仲要多谢一个人系阿康,因为距都打左几次电话比我担心我,兄弟真系对我好好噶,就算距拍左拖依然好关心我,如果果晚悟系隔离有人陪住,我一定会稳距的.好多谢同好感激所有为我付出过既好朋友咯. 结果过左第日,阿B比翻电话我,打左七次我都无接,悟系因为专登悟接,而系个心悟舒服,悟知应该同距讲咩好,因为有D也既然最需要你既时候你无出现到,依家再讲其他也对我黎讲又有咩也意思呢?记得系穿PRADA的恶魔呢出戏入面,女主角ANDY个男朋友讲个一句话:可以令你随时随地接电话既人,先系你最在乎重视既人..我觉得真系好入心咯呢句话,每个女仔都希望系人地最宠爱的,而有D机会好可能就只有最后一次. 不过好高兴自己最后都可以坚强收拾心情去上海开年会,因为SHOW MUST GO ON`~ 工作还工作感情还感情,好开心程第日早上都去左上海,因为距祖籍系果边,距二姑妈一家人都生活系虹桥.之后果两日我就亡命地帮SHARP做销售总结同明年既计划书,真系全部都系做野做野~~咩都悟想再去捻了~~好庆幸系无出到错,果班日本仔都好满意,总算无丢广州呢边同事既假.跟住我无同同事一齐翻广州,因为想放松下自己,就罗左两日假直接过杭州玩,改左翻广州既机票.仲叫埋程既细表妹MIUMIU同距男朋友我地四个一齐去杭州探险添~不过自己体质差啦,悟捱得,去杭州第二日就病左了~~不过多得距地既照顾终于可以翻到广州~~但真的真的真的很多谢他啊~~我会记住曾经对我好的每一个人的. 其实我好迷惑,系米每个女人都会遇到个对自己悟好既先可以遇到真命天子呢?但有D女人真的好幸福和幸运啊,一开始就遇到了,但自己偏偏就兜兜转转,悟知最后结局会系点?我悟理,烂桃花快走开,不要接近我啊,我要真心真意的一个就够了.不过就快过年啦,我都悟捻得太多,做人一定要乐观啊,生活系要继续的,我好感激仲有康,蕾,鱼,丹,BOBO,阿山,LILI,同埋媛时刻关心我,因为呢D都系我继续落去的勇气黎噶~~ 仲有,程生,你放心翻美国做野啦,新公司新作风,你要振夫纲比班手下睇噶,咔咔,悟好再罗甘多假了,我会学识照顾好自己的,因为我是强人KUKU,哈哈~~ 系啊.今日仲有件好感动既事发生左既,收到呢世女既第二只戒指吖,(第一只系T在我高中病的时候送的,最后还他了)甘有礼物收,系米预示我会有好既开始呢?虽然呢份礼物悟知究竟代表既系爱情定友情?但悟紧要,就当系比鼓励我啦~~好中意吖~~  系某人屋企收到DHL送来的士多O卑梨果篮,好得意噶,根本睇到都悟舍得食阿~~我都想自己学整啊~~
个傻佬将甘贵既野居然摆左系兜草莓下面,仲要快递无投保,U_U狂晕啊~~  PINK BOX既傻瓜公主头戒指一只,真系好中意~~平时行过天河城见到广告都会眼定定望实悟舍得走既~~
 嘻嘻,认得我只猪蹄嘛?~~~
大一岁啦,祝自己生日快乐,情人节快乐~~今年目标系:无驻牙!!咔咔 (应该话全力工作,大个女要争气) |
